3(和記)欺騙案(大家一定要睇, 小心真係唔好join佢地啦)
[顯示] [隱藏]
本身都用在3都超過1年有多, 都覺得佢地無咩特別問題, 係除咗hotline成日都僚無人聽電話之外, 其它各方面都可以接受, 所以就諗住同佢地續約&買機, 當時係經過d 短期柜位簽妥, 新合約內容係寫明月費係$123, 但就無寫明係由幾時開始, 正常情形下, 就應該係由舊合約期完之後就開始, 但係經過幾個月都發覺點解依家d月費都仲係咁貴要成$183, 初頭以為自己成日download games所以咁貴, 所以就決心唔再down, 但之後依然係咁, 就去佢地d門市問吓, 一問之下, 原來佢地無同我轉plan, 仲話我個新plan應該係要等到08年3月份先會生效, 但係我o既合約期到08年5月份都會屈滿啦! 點會咁樣? 於是同佢地門市理論, 佢地就話要去返買機&簽約o既地方揹, 但係係短期柜位都完咗啦, 跟住佢地就話要由hotline同事負責, OK! 再打去hotline, 佢地要我fax合約俾佢地睇, 我心諗, 我份合約都只不過係副本, 你地有正本都唔去check, 不過都是但啦, 返咗屋企再落去門市俾佢地d同事fax, 點知等到第二日夜晚再打電話去問, 佢地竟然話收唔到, 我就問咁樣你地點樣先可以收到, 份合約係由你地同事fax, 在理論過程中我叫不如你叫你地經理同我傾, 揾個可以話事o既人o黎傾, 點知佢竟然同我講經理已經收咗工, 咁我話主任都得, 佢答我無主任係到, 我就話叫依家係到最大粒個位, 最高職位個位o黎同我傾, 點知都可以答我話無, 我真係唔相信, 經理&主任唔係到都可以接受, 但係點都應該會有一位係最高職位o既話事人啦, 咁樣都可以答我話無, 真係當d客係lulu, 激完我一輪之後最終我都算數, 第三日再落去門市fax, fax完我叫佢地打上去hotline問收唔收到, 點知佢地話無上面o既電話, 要我自己打, 真係唔知佢地係當d客係白痴定咩? 我都算數, 自己再打上去問, &問埋佢地份fax內容睇得清唔清楚, 唔好一陣又走o黎同我講, 話睇唔到又要我去fax, 我仲同佢地講你地一定要係今晚覆我, 如果唔係我就會去消費者委員會投訴, 依家我就係要等佢地覆, 但係我真係好無忍啦對佢地公司, 我都諗住如果可以的話, 我想即時同佢地取消合約, 因為佢地理行唔到合約內的內容, 我點解仲要忍佢地, 但係我可唔可以咁做呢? 我可唔可以要求佢地即時取消合約呢? 往我屋企所有o野都用佢地, 寬頻, 住宅電話, 手提電話!
有無人可以解答到我呢? 急切問題!! 我可唔可以要求佢地即時解除合約呢? 我又唔使俾賠錢佢地呢?
佢地d人已經打咗俾我啦! 竟然夠膽話係我唔啱, 點解發覺收費唔對, 都唔打電話上去查詢, 要隔咁多個月先打, 真係俾佢吹漲, 另外話我無打電話上去更改個plan, 所以佢地就無改到喎! 最後係要我發瀾, 話佢地點解要我打上去轉, 應該係佢地自動跟隨合約內容&日期去做, 而唔係要客人去提醒, 另外佢地依家都無哂d郵寄帳單, 得個sms, sms內容仲要係只係得d用咗幾多分鐘, 今個月要交total幾多, 根本就無詳細內容, 我地又點知呢? 佢地先話會一次過退還多收咗咁多個月o既費用, 另外加送1年免隧道費, &免我1年郵寄帳單, 真係俾佢地吹漲&玩死, 呢份合約完咗, 我一定唔會再同佢地有任何關係, 亦都奉勸各位都唔會用3台, 真係好唔 |
IP卡
狗仔卡
發表於 2007-4-14 23:56:42
提升卡
置頂卡
沉默卡
喧囂卡
變色卡
顯身卡