UNICEF跑出愛心 籌款防兒童愛滋

DSA99

頭條日報
P08 |  港聞     2012-07-31

前日反國民教育大遊行，聯合國兒童基金香港委員會主席陳晴噚日出席一個活動時同Kelly講，今次遊行體現家長對教育嘅關心，雖然佢冇透露自己系咪支持國民教育，不過就話國民教育是否推行，有賴政府同社會各界人士繼續商討咁話。佢噚日出席一個慈善跑嘅活動，籌得款項將用於防止愛滋病毒母嬰傳播。

新增領袖挑戰賽
Kelly得知，今年第七屆「聯合國兒童基金慈善跑2012」三公里嘅賽事會提高親子組名額，由去年千二人躍升至二千人；此外，今年更新增三公里領袖挑戰賽，由陳主席親自致電各政界、工商界人士，邀請出賽，希望推廣企業社會責任，鼓勵更多人參賽。

據瞭解，喺中低收入國家當中，每年多三十九萬兒童感染愛滋，但一個愛滋抗體的快速測試費用不足八元，只要及早發現感染孕婦，便有效防止病毒傳染下一代。基金會預計，今年將籌得九百萬善款，期望於一五年前感染個案能減少九成。